Freestyle Chess Grand Slam Paris. Karlsen - Abdusattorov va qolgan pley-off natijalari

Ikki kunlik rapid bahslaridan so'ng pley-off bosqichiga yo'l olgan shaxmatchilar malum bo'lgandi. Kecha 1/4 final bosqichining ilk uchrashuvlari o'tkazildi. SHuningdek, 9-12 o'rinlar uchun ilk o'yinlar bo'lib o'tdi. 

Afsuski, Nodirbek Abdusattorov (O'zbekiston, 2773) chorak finalning ilk partiyasida qora donalarda o'ynab, Magnus Karlsen (Norvegiya, 2819)ga imkoniyatni boy berib qo'ydi. Magnus bejizga o'ziga raqib sifatida tanlamagan ekan. Abdusattorov so'nggi paytlarda Karlsen uchun qulay raqibga aylanib boryapti. Bugun shaxmatchilar o'rtasidagi ikkinchi partiya o'ynaladi va unda Nodirbek oq donalarda harakat qiladi. Faqat g'alaba 1/2 finalga chiqish uchun imkoniyatni saqlab qoladi. Hamyurtimiz g'alaba qozongan taqdirda hal qiluvchi tay-brek o'ynaladi.   

CHorak finalning qolgan barcha juftliklarida durang natija qayd etildi. 

Freestyle Chess Grand Slam Paris. 1/4 final natijalari

Yan Nepomnyashiy - Vinsent Keymer - 0,5:0,5

Magnus Karlsen - Nodirbek Abdusattorov - 1:0

Maksim Vashe-Lagrav - Fabiano Karuana - 0,5:0,5

Arjun Ergaisi - Hikaru Nakamura - 0,5:0,5

Amaldagi jahon chempioni Gukesh Dommaradju yana mag'lubiyatga uchradi. Saralash bahslarini muvaffaqiyatsiz o'tkazib, kuchli sakkiztalikka kira olmagan hindistonlik grossmeyster 9-12 o'rinlar uchun kechayotgan pley-offning ilk uchrashuvida ruminiyalik Rixard Rapportga imkoniyatni boy berib qo'ydi. Hind derbisini tashkil etgan ikkinchi juftlikda esa Rameshbabu Pragnanandxa vatandoshi Vidit Gujrathidan ustun keldi. 

9-12 o'rinlar uchun 

Rameshbabu Pragnanandxa - Vidit Gujrathi - 1:0

Rixard Rapport - Gukesh Dommaradju - 1:0