Freestyle Chess Grand Slam Paris. Nodirbek Abdusattorovdan muvaffaqiyatli start

Yodingizda bo'lsa, Freestyle Chess Grand Slam musobaqasining dastlabkisi fevral oyida Germaniyada o'tkazilgan va unda Javohir Sindarov 4, Nodirbek Abdusattorov 6-o'rinni egallagandi. Ushbu turnirning navbatdagisiga Parij shahri mezbonlik qila boshladi. 

Musobaqa boshlanishiga bir necha kun qolganda amerikalik Hans Niemann bahlarda qatnasha olmasligini malum qildi. Tashkilotchilar uning o'rniga Nodirbek Abdusattorovga wild card, yani imtiyozli yo'llanma berishdi. Hamyurtimiz esa bu ishonchni birinchi kunning o'zida oqlay boshladi.

Ilk kun 6 ta tur uchrashuvlari o'tkazildi. Nodirbek 1-turdayoq Germaniya turniri chempioni, germaniyalik Vinsent Keymarni mag'lubiyatga uchratdi. Keyin o'sha musobaqa vice-chempioni, reyting etakchilaridan biri Fabiano Karuana (AQSH) ham mag'lub etildi. Uchinchi turda vengriyalik grossmeyster Richard Rapport ham taslim bo'ldi. 

Maksim Vashe-Lagrev (Franciya) va Yan Nepomnyashiy (Rossiya) bilan durang o'ynagan Abdusattorov 6-turda hindistonlik Vidit Gujratini chiroyli usulda mag'lubiyatga uchratdi. Birinchi kungi bahslardan so'ng norvegiyalik afsona Magnus Karlsen hamda Nodirbek Abdusattorov 6 imkoniyatdan 5 ochkodan jamg'arib, turnir jadvalida qo'shhokimlik qilishyapti. Magnus 5 uchrashuvda g'alaba qozonib, bitta partiyada yutqazib qo'ydi. 

Bugun ikkinchi kungi bahslarda Nodirbek Magnus Karlsen (Norvegiya), Gukesh Dommaraju (Hindiston), Xikaru Nakamura (AQSH), Arjun Erigaisi (Hindiston), Rameshbabu Praggnanandha (Hindiston)ga qarshi dona suradi. 

Parij musobaqasining umumiy mukofot jamg'armasi 680 000 AQSH dollarini tashkil qiladi. CHempion 200 000 AQSH dollariga ega bo'ladi. So'nggi 12-o'rinni egallagan shaxmatchi 7 500 dollarni qo'lga kiritadi.