Freestyle Chess Grand Slam. Sindarov Nakamuraga qarshi bahsda o'ta mushkul vaziyatdan chiqib ketdi

Saralash bahslarini yuqori notada o'tkazgan Sindarov bu bosqichda o'zi tanlagan raqib - amerikalik Hikaru Nakamuraga qarshi oq donalarda o'ynadi. Javohir kuchli raqibiga qarshi bahsda muqarrar mag'lubiyatni durangga aylantirdi. Bu g'alabaga teng durang bo'ldi. SHaxmatchilarning saralash bosqichidagi o'zaro uchrashuvida ham durang natija qayd etilgandi. 

Ertaga grossmeysterlar 1/4 finalning ikkinchi partiyasini o'tkazishadi. Bugun Magnus Karlsenga yutqazgan Nodirbek Abdusattorov ertaga qora donalarda o'ynaydi. Sindarov ham qora donalarda Nakamura bilan hisob-kitob qiladi. Abdusattorovni faqat g'alaba, Sindarovni esa kamida durang tay-brekka o'tkazishi mumkin.