Furqatbek Yoqubov: "Dana, menga lokaciya tashla, manzilning ahamiyati yo'q!" (+VIDEO)

"Men kikboksing bo'yicha uch karra jahon chempioniman. Hozirda MMAda o'z janglarimni o'tkazib kelyapman. CHeyl Sonnen jamoasi tarkibida The Ultimate Fighter 33 shousida ishtirok etdim. Hozir o'zimni juda yaxshi his qilyapman. Mik Meynard (UFC matchmeykeri), Dana Uayt, men UFC`da jang qilishga tayyorman. Menga lokaciya tashlasangiz kifoya. Abu-Dabidagi turnir bo'ladimi yoki boshqasi, men oktagonga chiqishga shayman. Menga imkoniyat bering", - deya murojaat qilgan Furqatbek Yoqubov. 

Hamyurtimiz yaqinda The Ultimate Fighter 33 shousi doirasida CHeyl Sonnen jamoasi tarkibida Daniel Kormening jamoasidagi qozog'istonlik Alibi Idirisga ochkolar hisobiga ko'ra imkoniyatni boy berib qo'ygandi. Alibi ushbu shoudagi ishtiroki sabab UFC`dan jang olgandi. Uning debyuti 17 avgust kuni UFC 319 turniri doirasida Jozef Moralesga qarshi bo'lib o'tdi va ikkinchi raundda raqibi tomonidan bo'g'ib qo'yildi. Mag'lubiyatga qaramay, UFC rahbarlari Idris bilan yana 4 ta jang uchun shartnoma imzolashdi.    

Malumot uchun, 30 yoshli Furqatbek Yoqubov MMAdagi faoliyati davomida 19 ta jang o'tkazib, 15 ta g'alaba va 4 ta mag'lubiyat qayd etgan.