Futzal. Bugun 1-bosqichning 3-tur o'yinlari start oladi

16-22 yanvar kunlar o'tkazilishi belgilangan tur o'yinlariga poytaxtimizdagi “O'zbekiston”sport majmuasi mezbonlik qiladi. Bugun amaldagi mamlakat chempioni Toshkent viloyatining “Olmaliq” jamoasi poytaxtning “Lokomotiv” klubiga qarshi maydonga tushadi.

“Ardus” esa Andijonning “Turon-Soliqchi” jamoasi bilan uchrashadi. Kunning ikkinchi yarmida “Metallurg”–“Maksam-CHirchiq”, “Kogon”–“Nafis”, “Do'stlik-AIN”–“Bunyodkor” juftliklari o'zaro o'yinda munosabatlariga oydinlik kiritib olishadi.

Bugun “Paxtakor”jamoasi uchun dam olish kuni sifatida elon qilingan. Birinchi bosqichning dastlabki ikki turi yakunlariga ko'ra Qarshining “Do'stlik-AIN” klubi 28 ochko bilan turnir jadvalida peshqadamlik qilyapti.

Aynan qarshilik futzalchilar oliy ligada mag'lubiyatga uchramagan yagona jamoa bo'lib turishibdi. Ikkinchi o'rindan joy olgan “Olmaliq” jamoasi hisobida 25 ochko bor. “Kogon” va “Ardus” klublari 22tadan ochko jamg'arib, keyingi o'rinlarni band etishgan.

To'purarlar ro'yxatida 12tadan golga ega “Kogon” futzalchisi Ulug'bek Ramazonov va “Ardus” etakchisi Davron CHoriev karvonboshilik qilishyapti.