Futzal. Bugun AGMK Osiyo chempionati yarim finalida o'ynaydi

Kecha mamlakatimiz chempioni AGMK chorak finalda musobaqa mezboni hisoblangan Tailand chempioni "Port FK"ni 4:3 hisobida mag'lub etdi. SHu tariqa, Aleksandr Petrov boshchiligidagi olmaliqliklar o'z tarixlarida birinchi marta ushbu musobaqaning 1/2 finaliga yo'l olishdi. 

Yarim finalda AGMKning raqibi Eron chempioni "Mes Sungun" jamoasi bo'ladi. Forslar kecha Livan chempioni "Bank Beyrut"ni ekstra taymlarda kiritilgan gol evaziga katta qiyinchilik bilan mag'lub etishdi.

Eslatib o'tamiz, "Mes Sungen" klublar o'rtasidagi Osiyo chempionatining amaldagi g'olibi hisoblanadi.

Futzal. Klublar o'rtasidagi Osiyo chempionati

Yarim final. 15.08.2019

13:00. "Tay Son Nam" (Vetnam) - "Nagoya Oushens" (Yaponiya)

16:00. AGMK (O'zbekiston) - "Mes Sungun" (Eron)

P.S. Uchrashuvlarning boshlanish soati Toshkent vaqti bilan ko'rsatilgan.