Futzal. Portugaliya bosh murabbiyi: “O'zbekiston kuchli murabbiyga ega”

Portugaliya terma jamoasi ustozi Xorxe Brazz o'z fikrlari bilan o'rtoqlashdi.

“O'zbekiston yaxshi jamoa. Bizga qarshi bo'lgan o'yinda raqibimizni faqat g'alaba qoniqtiradi, shu sababli bizga oson bo'lmasligi aniq. O'ylashimcha muxlislar yaxshi taktik o'yini guvohiga aylanishadi

O'zbekiston terma jamoasi juda kuchli murabbiyga ega. Men bo'lajak raqibizning Kolumbiyaga qarshi o'yinini stadiondan kuzatdim, ushbu bahsda O'zbekiston juda yorqin o'yin namoyish etdi.

Jamoamizda Rikardinodek o'yinchi borligidan faxrlanaman. U haqiqiy professional va o'z ishini ustasi. Rikardino jamoamizning etakchisi va unga bo'lgan ishonchim chegara bilmaydi”, - deydi Portugaliya terma jamoasi bosh murabbiyi Xorxe Brazz O'FA matbuot xizmatiga.

Eslatib o'tamiz, Portugaliya - O'zbekiston uchrashuvi 17 sentyabr kuni Toshkent vaqti bilan soat 06:00da boshlanadi.