20 iyu 09:56
Yangiliklar

Tennis

Galle turnirida chempion aniqlandi

Germaniyaning Galle shahri mezbonlik qilgan ATP 500 turniri ham o'z yakuniga etdi.

Bosh sovrin uchun kechgan final uchrashuvida kutilmagan natija qayd etildi. Dunyoning ikkinchi raketkasi Daniil Medvedev polshalik Xubert Gurkachga qarshi kortga chiqdi. Oltmish uch daqiqa davom etgan bahsda Medvedev raqibiga 1/6, 4/6 hisobida imkoniyatni boy berib qo'ydi.

Daniil 3 ta eys, ikkita qo'shtaxoga yo'l qo'yib, bironta ham breykni amalga oshira olmadi. Xubert esa 9 ta eys, bitta qo'shxato va 3 ta breyk qayd etdi. Tennischilarning o'zaro uchrashuvlarida polshalik hisobda oldinga chiqib oldi - 3:2.

Gurkach turnirdagi ishtirokidan 399,170 dollar hamda 500 reyting ochkosi ishlab oldi. Medvedev esa 214,775 dollar va 300 ballga ega bo'ldi. 24 yoshli Xubert bugun elon qilinadigan yangi ATP reytingida 10-o'ringa ko'tarilib oladi.