Georgiy Azamov xalqaro xotira turniri bosh sovrini Serbiyaga ketdi FOTOGALEREYA

Poytaxtimizdagi Xalqaro shaxmat akademiyasida o'zbekistonlik birinchi grossmeyster Georgiy Azamov xotirasiga bag'ishlangan “Tashkent open-2022” XV Xalqaro turniri bo'lib o'tdi.

Mukofot jamg'armasi 25 000 AQSH dollariga ega bo'lgan nufuzli turnirda ishtirokchilar “A” va “B” guruhlariga bo'lingan holda mahoratlarini sinovdan o'tkazishdi.

Serbiyalik grossmeyster Aleksandr Injich xalqaro turnirda 1-o'rinni egalladi. Keyingi o'rinlar Javohir Sindarov (O'zbekiston) va Evgeniy Romanov (Norvegiya)ga nasib etdi.

20 yoshgacha bo'lgan o'smirlar o'rtasida SHamsiddin Vohidov, Muhriddin Madaminov va Abdumalik Abdusalimovlarga teng keladigani topilmadi.

Faxriylar o'rtasida kechgan bellashuvlarda Vyacheslav Azamov va Obidjon Yusupov g'alaba nashidasini surdi.

Ayollar o'rtasida hamyurtimiz, jahon chempioni Umida Omonova 1-o'rinni egallagan bo'lsa, qozog'istonlik Aliya Nurmanova va Bibisara Assaybaeva 2- va 3-o'rinlarga egalik qildi. 20 yoshgacha bo'lgan qizlar o'rtasidagi bahslarda yana bir vakilamiz Sitora Saparova g'alaba qozondi.

Alimurod MAMADAMINOV, o'z muxbirimiz