10 apr 13:48
Yangiliklar

SHaxmat

Georgiy Azamov xotira turnirining 6 turi ortda qoldi FOTOGALEREYA

Poytaxtimizdagi Xalqaro shaxmat akademiyasida o'zbekistonlik birinchi xalqaro grossmeyster Georgiy Agzamov xotirasiga bag'ishlab o'tkazilayotgan ananaviy XVI xalqaro shaxmat turniri o'zining qizg'in pallasiga kirdi.

Mukofot jamg'armasi 25 ming AQSH dollari bo'lgan xalqaro turnirda 6 tur o'yinlari bo'lib o'tdi. Uning natijalariga ko'ra, Xalqaro shaxmat federaciyasi nomidan ishtirok etayotgan Volodar Murzin (“A” guruhi) 6 imkoniyatdan 5,5 ochko to'plab, peshqadamlik qilmoqda. Ozarboyjonlik Vugar Rasulov hisobida esa 5 ochko bor. Hamyurtlarimiz Abdumalik Abdusalimov (4,5 ochko), SHamsiddin Vohidov (4 ochko), Bahrom Baxrillaev (4 ochko) kuchli o'ntalikdan o'rin olgan.

“B” guruhida hamyurtlarimiz peshqadam bo'lib turibdi. Marsel SHoyusupov 6 imkoniyatdan 6 ochko jamg'argan holda yakka peshqadam bo'lsa, keyingi o'rinlar Muhammadrahim Abdullaev (5,5 ochko) va SHavkat Abduxoliqov (5 ochko)ga tegishli.

Xalqaro turnir 12 aprelga qadar davom etadi.