Glendeyldagi prof boks oqshomi ishtirokchilari taroziga chiqishdi

Top Rank promouterlik kompaniyasi tomonidan tashkil etilayotgan turnir ishtirokchilari tarozi hamda face to face marosimlarida hozir bo'lishdi. Oqshomning markaziy jangi ikkinchi yarim engil vazn toifasida vakant bo'lib turgan vaqtinchalik WBO kamari uchun bo'lib o'tadi. 

Unda meksikalik Oskar Valdes (31-2, 23 KO) avstraliyalik Liam Uilson (13-2, 7 KO)ga qarshi ringga ko'tariladi. Ikkala jangchi ham tarozida bir xil vazn ko'rsatishdi - 58,8 kg. Ahamiyati jihatidan ikkinchi jang minimal vazn toifasida amerikalik Siniesa Estrada hamda Kosta-Rika vakilasi Yokasta Valle o'rtasida kechadi. 

Asosiy kardning tarozi natijalari:

Oskar Valdes (58.83 kg) - Liam Uilson (58.78 kg)

Siniesa Estrada (47.26 kg) - Yokasta Valla (47.30 kg)

Richard Tores (107.31 kg) - Donald Xeynsuorta (125.41 kg)