Grand Chess Tour: Super Chess Classic Romania 2026. Sindarov so'nggi o'rinni tark etdi, bugun peshqadamga qarshi bahs!

Musobaqada yuqori reytingga ega o'n nafar grossmeyster bosh sovrin hamda katta mukofot pullari uchun bahsga kirishdi. Ular orasida "Nomzodlar turniri" g'olibi Javohir Sindarov ham bor. Hamyurtimiz 3-turda qora donalarda franciyalik peshqadam Maksim Vashe-Lagravga qarshi bahs olib borib, tezkor durangga imzo chekdi. Partiya bir soatdan sal ko'proq davom etdi. 

Uchinchi turda niderlandiyalik duranglar qiroli Anish Giri g'alabaga erishdi va turnir jadvalida 2 ochko bilan qo'shimcha ko'rsatkichlarga ko'ra peshqadamlikni qo'lga oldi. U franciyalik Alireza Firuzdjani taslim etgan. Uchinchi turning ikkinchi g'alabasiga yana bir niderlandiyalik shaxmatchi Yorden van Forest erishdi. U ruminiyalik Bogdan-Daniel Dikni mag'lubiyatga uchratdi. Qolgan partiyalar durang natija bilan yakunlandi.   

Turnir jadvalida bir yo'la besh nafar grossmeyster 2 ochkodan jamg'arib, peshqadamlik qilyapti. Qo'shimcha ko'rsatkichlarga ko'ra Giri karvoshboshi, keyingi o'rinlarni Yorden van Forest, Maksim Vashe-Lagrav, Rameshbabu Praggnanandha va Vinsent Keymer band etgan. 

Bugun 4-turda Javohir Sindarov oq donalarda karvonboshi Anish Giriga qarshi bahs olib boradi. Bugungi uchrashuvlar ham bizning vaqt bilan soat 18:00da boshlanadi. CHempion 100 000 dollarni qo'lga kiritadi.