Grand Swiss 2025. Abdusattorov va Gukesh ochko yo'qotdi, uch shaxmatchida yuz foizlik natija

Musobaqaning asosiy maqsadi — dunyo reytingining TOP-100 taligiga kirgan kuchli shaxmatchilar orasidan to'rt nafar talabgorni (2 erkak va 2 ayol shaxmatchi) jahon shaxmat toji uchun bo'ladigan “Talabgorlar turniri”ga saralab olishdan iborat.

Turnirning 2-turida Nodirbek Abdusattorov (2748) qora donalarda germaniyalik Frederik Sven (2643) bilan durang o'ynadi. Javohir Sindarov (2722) qatorasiga ikkinchi uchrashuvida ham durangga imzo chekdi. Bu safar u qora donalarda germaniyalik Rasmus Sven (2620) bilan murosaga keldi. Nodirbek Yakubboev (2681) qora donalarda o'ynaganiga qaramay, xitoylik grossmeyster Syanyuy Syuy (2615)ni mag'lubiyatga uchrata oldi. 

WOMENS, yani ayollar guruhida hamyurtimiz Gulruhbegim Tohirjonova (2372) ketma-ket ikkinchi mag'lubiyatini qabul qilib oldi. Bu safar u AQSHdagi sobiq jamoadoshi Karissa Yip (2458)ga imkoniyatni boy berdi. Afruza Hamdamova qozog'istonlik Kseniya Balabaeva bilan durang o'ynadi. Birinchi turda zafar quchgan Umida Omonova 2-turda jahon va Evropa chempioni Katerina Lagnoga yutqazib qo'ydi.

Amaldagi jahon chempioni Gukesh Dommaradju (2767) 2-turda oq donalarda turkiyalik Yagis Erdogmus (2646) bilan durang qayd etdi. Bu ikki grossmeyster ham 1-turda g'alaba qozonishgan edi. Uchinchi tur oldidan uch ishtirokchi - sloveniyalik Anton Demchenko (2620), franciyalik Alireza Firuzdja (2754) va eronlik Parham Maqsudlu (2692) yuz foizlik natija bilan turnir jadvalida peshqadamlik qilishmoqda. Jami 29 nafar shaxmatchi hisobida 1,5 ochkodan bor.

FIDE “Grand Swiss 2025” — 2-raund natijalari (O'zbekiston vakillari):