Grand Swiss. CHempionlik uchun kurashayotgan Rustam Qosimjonovdan kutilmagan natija

Mukofot jamg'armasi 433 000 AQSH dollarini tashkil etuvchi Grand Swiss turnirida O'zbekiston sharafini 17-jahon chempioni Rustam Qosimjonov hamda 15 yoshli xalqaro grossmeysterimiz Nodirbek Abdusattarov himoya qilmoqda. Qosimjonov 2657, Abdusattarov esa 2608 reyting ochkosiga ega. 

Kecha o'tkazilgan 9-partiyada Rustam Qosimjonov oq donalarda o'ynashiga qaramay, kutilmaganda mag'lubiyat alamini totib ko'rdi. Hamyurtimiz britaniyalik grossmeyster Devid Xouel (2694)ga imkoniyatn boy berdi va nafaqat chempionlik, balki sovrinli o'rinlar uchun kurashdan chiqdi. 

Bugun o'tkaziladigan 10-tur oldidan Qosimjonov 5 ochko bilan turnir jadvalida qo'shimcha ko'rsatkichlarga ko'ra 37-pog'onadan joy olgan. Rustam Qosimjonov bugun o'tkaziladigan 10-turda oq donalarda Bogdan-Daniel Dik (2613)ka qarshi harakat qiladi.

Malumot uchun, 22 oktyabr kuni yakuniga etadigan Grand Swiss turniri g'olibi 70 000, ikkinchi o'rin sohibi 50 000, uchinchi o'rin egasi esa 40 000 AQSH dollari miqdoridagi mukofot puliga ega bo'ladi. Kuchli o'ttizlikka kira olgan shaxmatchiga esa 2000 AQSH dollari taqdim etiladi.