22 okt 08:09
Yangiliklar

SHaxmat

Grand Swiss. Rustam Qosimjonov turnirni nechanchi o'rinda yakunladi?

Xabar berganimizdek, Angliyaning Men orolida dunyoning 154 nafar kuchli shaxmatchilari ishtirokida o'tkazilgan nufuzli xalqaro turnir o'z nihoyasiga etdi.

Mukofot jamg'armasi 433 000 AQSH dollarini tashkil etgan Grand Swiss turnirida O'zbekiston sharafini 17-jahon chempioni Rustam Qosimjonov hamda 15 yoshli xalqaro grossmeysterimiz Nodirbek Abdusattarov himoya qildi. Qosimjonov 2657, Abdusattarov esa 2608 reyting ochkosiga ega edi.

Kecha o'tkazilgan so'nggi 11-partiyada Rustam Qosimjonov oq donalarda harakat qilib, gollandiyalik Erin L`ami (2619) bilan murosaga keldi. Bu bilan musobaqada 56-raqam ostidan tasniflangan 17-jahon chempioni Angliyadagi xalqaro turnirni qo'shimcha ko'rsatkichlarga ko'ra 72-o'rinda yakunladi.

Malumot uchun, Grand Swiss turniri g'olibi 70 000, ikkinchi o'rin sohibi 50 000, uchinchi o'rin egasi esa 40 000 AQSH dollari miqdoridagi mukofot puliga ega bo'ldi. Kuchli o'ttizlikka kira olgan shaxmatchilarga esa 2000 AQSH dollari taqdim etildi.