Grand Swiss. Sindarov Aronyanni mag'lub etdi, Karuana bilan qora donalarda durang o'ynadi

Musobaqaning umumiy mukofot jamg'armasi 600 000 (460 000 erkaklar, 140 000 ayollar turniri uchun) AQSH dollarini tashkil etib, unda dunyoning 164 (114 erkak, 50 ayol shaxmatchilari) nafar grossmeysterlari g'oliblik yo'lida dona surishyapti. Ular qatorida yosh grossmeysterlarimizdan Nodirbek Abdusattorov, Javohir Sindarov, Nodirbek Yakubboev va SHamsiddin Vohidovlar ham sovrinli o'rinlar uchun bahs olib borishmoqda. 

Musobaqa shveycarcha tizimda o'tkazilayotgan bo'lib, bugungacha 5 ta tur partiyalari o'ynaldi. Bugun o'tkaziladigan 6-tur oldidan hamyurtlarimizdan Javohir Sindarov va Nodirbek Yakubboev Top-10`talikda borishmoqda. Ularning har ikkisi ham 3,5 ochkodan jamg'argan. 

Kecha o'tkazilgan 5-turda Javohir Sindarov (2658) oq donalarda reytingda o'zidan yuqorida turgan xitoylik YU Yang Yi (2720) bilan durang o'ynadi. Nodirbek Yakubboev (2616) qora donalarda harakat qilganiga qaramay, reytingda o'zidan yuqorida joylashgan shveciyalik grossmeyster Nils Grandeliusni mag'lubiyatga uchratdi. 

Birinchi raqamli shaxmatchimiz Nodirbek Abdusattorov (2716) bu turda qora donalarda armanistonlik Grant Melkumyan (2650) bilan murosaga keldi. SHamsiddin Vohidov (2578) esa qora donalarda greciyalik Nikolas Teodorou (2619) bilan durangga imzo chekdi. 

Etiborga molik jihati shundaki, Javohir Sindarov hali mag'lubiyatga uchragani yo'q. U 3-turda armanistonlik Levan Aronyanni mag'lubiyatga uchratib, 4-turda birinchi doskada musobaqada birinchi raqam ostida saralangan amerikalik Xikaru Nakamura bilan qora donaarda durang o'ynadi. 

Bugun o'tkaziladigan 6-tur juftliklari:

Nodirbek Yakubboev (2616) - Vinsent Keymer (Germaniya, 2717)

Samuel Sevian (AQSH, 2698) - Javohir Sindarov (2658)

Nodirbek Abdusattorov (2716) - CHitambaram Aravindh (Hindiston, 2649)

SHamsiddin Vohidov (2578) - Maks Varmerdam (Niderlandiya, 2636)