10 may 11:36
Yangiliklar

Tennis

Granolers va Sebalos juftlikda "Masters" g'oliblari

Xabar berganimizdek, Ispaniyaning Madrid shahrida tennis bo'yicha o'tkazilgan "Masters" seriyasiga kiruvchi turnir germaniyalik Aleksandr Zverevning g'alabasi bilan yakunlandi.

Musobaqaning juftlik bahslarida bosh sovrin ispaniyalik Marsel Granolers hamda argentinalik Orasio Sebalosga nasib etdi. Ular hal qiluvchi final uchrashuvida xorvatiyaliklar - Nikola Mektich hamda Mate Pavichdan 1/6, 6/3 tay-brekda 10:8 hisobida ustun kelishdi.

Tennischilar kortda 72 daqiqa harakat qilishdi. Mutua Madrid Open turniridagi muvaffaqiyatli ishtirok Granolers va Sebalosga 1000 reyting ochkosi hamda 62,760 evro mukofot puli taqdim etdi.