Greciyada "CHellenjer" turniri boshlandi, Humoyun Sultonovda muvaffaqiyatli start

Mukofot jamg'armasi 54 000 evroni tashkil etuvchi mazkur musobaqada hamyurtimiz Humoyun Sultonov ham ishtirok etmoqda. U musobaqada 3-raqam sifatida saralangan. 

Tennischimiz bugun musobaqadagi ilk o'yinini o'tkazdi. Ushbu bosqichda hamyurtimizga litvalik Rikardas Berankis raqib bo'ldi. 1 soat 9 daqiqa davom etgan o'yinda hamyurtimiz 6:2, 6:2 hisobida g'alabaga erishdi. 

Taqqoslash uchun, Humoyun ayni paytda dunyo reytingida 218, Berankis esa 291-o'rinni egallab turibdi. 

Endi tennischimiz ertaga 1/8 finalda italiyalik Federiko Sinaga (557) qarshi bahs olib boradi.