Gruziya bilan sport sohasidagi aloqalar yanada mustahkamlanadi

Gruziyaning O'zbekistondagi Favqulodda va Muxtor Elchisi Zurab Abdushelishvili, Gruziya taekvondo federaciyasi vice-prezidenti Roin Varshanidze hamda delegaciya vakili Aleksandr Kipianidan iborat mehmonlar MOQ raisi qabulida bo'lishdi.

Mehmonlar MOQga tashrifdan avval O'zbekiston taekvondo associaciyasida ham bo'lishganini alohida aytib o'tish joiz. Boisi, ushbu mamlakat taekvondochilari hamyurtlarimiz bilan qo'shma o'quv-mashg'ulot yig'inini boshlash arafasida turibdi. Associaciyaga tashrif davomida mehmonlar O'zbekiston terma jamoasi murabbiylar shtabi, mashg'ulot zallari bilan yaqindan tanishdilar.

MOQda bo'lib o'tgan uchrashuvda Rustam SHoabdurahmonov va uning o'rinbosarlari O'zbekiston dzyudo federaciyasi raisi Azizjon Kamilov hamda O'zbekiston taekvondo WT associaciyasi raisi SHerzod Tashmatov ishtirok etishdi. Do'stona kechgan suhbatda yirik musobaqalarga tayyorgarlik ko'rish, hamkorlikda o'quv-mashg'ulot yig'inlarini tashkil qilish kabi masalalar atroflicha muhokama qilindi.

“Gruziya bizning sportchilar uchun juda ahamiyatli. Ko'plab sport turlarida jamoalarimiz u erga o'quv-mashg'ulot yig'inlari uchun tez-tez borib turishadi. Jumladan, hozirda qilichbozlarimiz Gruziyada bo'lib turishibdi. Yurtimizda Prezidentimiz boshchiligida sportga alohida etibor qaratiladi. Mamlakatimiz taraqqiyotida 5 muhim tashabbusning biri aynan jismoniy tarbiya va sportni qamrab oladi. SHu o'rinda, kelajakdagi hamkorligimiz yo'lida memorandum imzolash taklifini ilgari surmoqchimiz”, – dedi MOQ raisi.

Suhbat davomida mehmonlar jamoalarimiz uchun Batumi shahrida yig'in tashkil qilish bo'yicha takliflarini bildirishdi. O'z navbatida, elchi janoblari bir necha oy muqaddam O'MY uchun Toshkentga kelgan dzyudo bo'yicha Gruziya terma jamoasi iliq qabul qilingani uchun MOQ mutasaddilariga tashakkur aytib o'tdi. Tashrif davomida mehmonlar MOQ muzeyida bo'lib, o'zbek sportining boy tarixi bilan yaqindan tanishishdi.