Gukesh Dommaraju vs Javohir Sindarov: Jahon toji uchun match qaerda va qaysi qoidalar asosida o'tkaziladi?

Reja bo'yicha Jahon toji uchun match shu yilning noyabr oyi oxiri dekabr oyining boshlarida tashkil etiladi. Hozircha bu supermatchga qaysi davlat mezbonlik qilishi aniq emas. Amaldagi chempion hindistonlik Gukesh Dommaraju! Hindiston o'zini shaxmat mamlakati deb ataydi va shu bilan birga mamlakatda shaxmatni qo'llab-quvvatlovchi milliarderlar talaygina. Aytmoqchi bo'layotganimiz, match mezbonligini olish uchun tish-tirnoqlari bilan harakat qilishadi. 

Bizdagi malumotlarga ko'ra, Toshkent shahri ham mezbonlikni shunchaki berib qo'ymoqchi emas. Ayrim xabarlarga ishonadigan bo'lsak, mezbonligimiz masalasi deryali hal bo'lgan. Hozircha bu borada hech qanday rasmiy malumot yo'q. 

Jahon toji uchun kechadigan matchning o'ziga kelsak, u 14 ta klassik partiyadan iborat bo'ladi. Birinchi bo'lib 7,5 ochko yoki undan ko'proq to'plagan shaxmatchi g'olib deya elon qilinadi va qolgan partiyalar o'tkazilmaydi. Agar 14 partiyadan keyin ham hisob teng bo'lsa, u holda tay-breklarga murojaat qilinadi. 

Malumot uchun, Gukesh Dommaraju 2024 yilning 12 dekabr kuni xitoylik Din Lijenni 7,5:6,5 hisobida mag'lubiyatga uchratib, 18 yoshida 18-Jahon chempioniga aylangan edi.