Gulruhbegim Jahon kubogi yo'lidagi ikkinchi g'alabasiga erishdi

Bugun ayollar o'rtasida o'tkazilgan ikkinchi tur uchrashuvida xalqaro grossmeysterimiz Gulruhbegim Tohirjonova g'alaba nashidasini surdi. Turnir reytingida birinchi raqam ostida tasniflangan Tohirjonova oq donalarda harakat qildi va qozog'istonlik Gulmira Dauletovani mag'lub etdi. 

Nilufar Yoqubboeva esa qora donalarda yana bir qozog'istonlik shaxmatchi Gulisxan Naxbaeva bilan durangga imzo chekdi. Bahora Abdusattorova Madina Davletbaevaga imkoniyatni boy berib qo'ydi. Uchinchi tur oldidan Tohirjonova va Davletboeva 2 tadan ochko bilan peshqadamlik qilishyapti. 

Ayni daqiqalarda davom etayotgan uchinchi partiyada aynan ikki peshqadam o'zaro hisob-kitob qilishyapti. Yana bir yurtdoshimiz Sarvinoz Qurbonboeva ikkinchi turda g'alaba qozondi va ochkolarini 1,5 taga etkazib oldi. U qora donalarda o'ynaganiga qaramay, qozog'istonlik Arnash Baurjanni engdi.