Gvardiola faoliyatidagi eng yomon mavsumni o'tkazmoqda

Kecha tunda "Manchester Siti" jamoasi APL 21-turi doirasida "Brentford" mehmoni bo'ldi. Uchrashuvda "shaharliklar" 2:0 hisobida oldinga chiqib olganiga qaramay, 90+2-daqiqada o'tkazib yuborilgan gol evaziga g'alabani qo'ldan chiqardi - 2:2.

Joriy mavsum "Manchester Siti" Premer liganing 21 o'yinida bor yo'g'i 10ta g'alabani qo'lga kiritgan, 5 durang va 6 mag'lubiyat. Bu Pep Gvardiola uchun murabbiylik faoliyatida yuqori ligalarda ayni mavsumning shu davriga kelib qayd etilayotgan eng yomon natija.

"Manchester Siti" 35 ochko bilan APL jadvalida 6-o'rinni band etib turibdi. Ular peshqadam "Liverpul"dan 12 ochkoga ortda borishmoqda.