24 noy 08:19
Yangiliklar

SHaxmat

Hal qiluvchi tay-brek jahon chempionini aniqlab berdi FOTO

Rossiyaning Xanti-Mansiysk shahrida shaxmat bo'yicha ayollar o'rtasidagi nokaut tizimidagi jahon chempionati yakunlandi.

Amaldagi jahon chempioni xitoylik Ju Ven Jun rossiyalik Katerina Lagnoga qarshi kechgan final bahsida ajoyib kambekni amalga oshirgandi. Kecha u hal qiluvchi tay-brekda raqibasini mag'lubiyatga uchratib, jahon chempionlik unvonini o'zida yana kamida bir yilga saqlab qoldi.

Malumot uchun, Jahon chempionatining sovrin jamg'armasi 450 000 AQSH dollarini tashkil qilgandi. Xitoylik jahon chempioni g'olib sifatida 60 000 dollarga ega bo'ldi. Hamyurtimiz Gulruhbegim Tohirjonova chorak finalda aynan Ven Junga qarshi dona surgan va tay-brekdagina imkoniyatni boy berib qo'ygandi.

Eslatib o'tamiz, 2-23 noyabr kunlari oralig'ida o'tkazilgan jahon chempionatida 28 davlatdan jami 64 nafar grossmeyster jahon toji uchun nokaut tizimida bahs olib bordi.