Hamyurtimiz “Formula-1” jahon chempionatida hakamlik qiladi

O'zbekiston Respublikasi mudofaasiga ko'maklashuvchi “Vatanparvar” tashkilotining avtomotosport bo'yicha murabbiyi va milliy toifadagi hakami Mubashirxon Jo'raev Xalqaro avtomobil federaciyasi (FIA) tomonidan Ozarbayjon poytaxti Boku shahrida bo'lib o'tadigan “Formula-1” jahon chempionatiga marshal (sport hakami) sifatida taklif etildi.

Dunyo bo'ylab poyga ixlosmandlari intiqib kutayotgan ushbu nufuzli musobaqada germaniyalik Sebastyan Fettel, angliyalik Lyuis Xemilton, niderlandiyalik Maks Ferstappen kabi bir qator taniqli poygachi sportchilar o'zaro bellashishi kutilmoqda.

Mubashirxon Jo'raev 1974 yilda Namangan viloyatida tug'ilgan bo'lib, “Vatanparvar” tashkiloti viloyat kengashi avtosport sekciyasining murabbiyi vazifasida faoliyat yuritib kelmoqda. Motokross, avtokross va karting sport turlari bo'yicha o'tkaziladigan respublika chempionatlarida ko'p marotaba bosh hakamlik qilib kelgan.

“Vatanparvar” tashkilotining sportchilari nafaqat respublika, balki MDH, Osiyo va jahon chempionatlarida yuqori o'rinlarni egallab, mamlakatimiz nufuzi, obro'-etibori oshishiga salmoqli hissa qo'shmoqdalar.

Eslatib o'tamiz, joriy yilning may oyida Germaniyaning Zul shahrida sportning o'q otish turi sporti bo'yicha yoshlar o'rtasida o'tkazilgan Jahon kubogi musobaqasida ishtirok etgan “Vatanparvar” tashkiloti Namangan viloyati kengashining pnevmatik quroldan o'q otish sekciyasi azosi, 18 yoshli Muhammad Kamolov 10 metr masofaga to'pponchadan otish musobaqasida munosib ishtirok etib, 3-o'rinni egalladi. 

U, o'tgan 2021 yilning sentyabr oyida Rossiya Federaciyasinng Qozon shahrida bo'lib o'tgan birinchi MDH davlatlari o'yinlarining pnevmatik miltiqdan o'q otish musobaqasida oltin hamda Qozog'iston Respublikasinng CHimkent shahri mezbonlik qilgan Osiyo chempionatida kumush va bronza medallariga sazovor bo'lgan.

Bundan tashqari, joriy yilning may oyida Qozog'iston Respublikasida karting bo'yicha o'smirlar o'rtasida o'tkazilgan chempionatning birinchi bosqichida “Vatanparvar” tashkiloti Namangan viloyati kengashining karting sporti sekciyasi sportchisi, 14 yoshli Yasmina Egamberdieva “OK-junior” sinfida birinchi o'rinni egalladi. 

SHuningdek, “Vatanparvar” tashkiloti Toshkent shahar kengashi tasarrufidagi Yashnobod tumani O'quv sport texnik klubining karting sporti sekciyasi sportchisi, 11 yoshli Amir Xamraev ushbu musobaqaning “Super-mini” sinfida bellashib, g'oliblikni qo'lga kiritdi.

O'zbekiston Respublikasi mudofaasiga ko'maklashuvchi “Vatanparvar” tashkiloti Matbuot xizmati