Hamyurtlarimizning suv sporti bo'yicha JCHdagi ishtiroki qanday ketmoqda?

Musobaqada o'zbekistonlik sportchilar ham ishtirok etmoqda.

Ayni kunlarda sinxron suzish va suvga sakrash bahslari o'tkazilmoqda.

Suvga sakrash bo'yicha turnirda yurtimiz sharafini himoya qilayotgan Igor Mlyalin hamda Vyacheslav Kachanov 3 metr balandlikdagi tramplindan sinxron sakrash bahsida 310.62 ochko jamg'argan holda 21-o'rinni qayd etdi.

Kechagi bellashuvlarda esa sinxron suzuvchilarimiz Diana Onkes va Ziyoda Toshxo'jaeva texnik duet yo'nalishining final bahsida qatnashdi. Hamyurtlarimizning chiqishi 203.4817 ballga loyiq ko'rildi va sportchilarimiz 12-o'rinni band etdi.

Endi ushbu juftlik erkin duet bahslarida o'z mahoratlarini namoyish etishadi. Uning yakunlariga ko'ra "Parij-2024" olimpiya o'yinlarining yo'llanmalarini qo'lga kiritgan jamoalar malum bo'ladi. 

Bugun musobaqa doirasida Myalin - Kachanov juftligi 3 metr tramplindan sakrash bahslarining saralash bosqichida ishtirok etadi.