12 fev 17:12
Yangiliklar
Hasanboy, SHahram va boshqa sovrindorlar. O'zbekistonda umrbod oylik to'lanadigan sportchilar nomi elon qilindi
O'zbekiston Respublikasi Prezidentining 2017 yil 10 avgustdagi “Nufuzli xalqaro sport musobaqalarida yuksak natijalarga erishgan O'zbekiston sportchilarini jamoat va sport ishlariga keng jalb etish hamda sportchilarni va ularning trenerlarini rag'batlantirish to'g'risida” qaroriga asosan Olimpiya va Paralimpiya o'yinlari g'olib va sovrindorlari uchun umrbod oylik to'lovlar to'lab borilishi belgilangan edi.
Qaror ijrosini taminlash bo'yicha qabul qilingan O'zbekiston Respublikasi Vazirlar Mahkamasining 2017 yilning 27 dekabridagi va joriy yilning 7 fevraldagi tegishli farmoyishlariga asosan, umrbod oylik to'lov oladigan sportchilar ro'yxati tasdiqlandi.
Hozircha umrbod oylik to'lov to'lab boriladigan Olimpiya va Paralimpiya o'yinlari g'olib va sovrindori soni 57 nafar.
Ularga Jismoniy tarbiya va sport vazirligining har yili tasdiqlanadigan Sport va ommaviy jismoniy tarbiya tadbirlari kalendar rejasida nazarda tutilgan mablag'lar hisobidan:
Oltin medal uchun — eng kam oylik ish haqining 10 barobari;
Kumush medal uchun — eng kam oylik ish haqining 5 barobari;
Bronza medal uchun — eng kam oylik ish haqining 5 barobari miqdorida umrbod oylik to'lab boriladi.
Vazirlar Mahkamasining 2017 yil 30 oktyabrdagi 878-son qarori bilan tasdiqlangan Olimpiya va Paralimpiya o'yinlari g'olib va sovrindorlariga to'lanadigan umrbod oylik to'lovlar to'lash tartibi to'g'risida nizomga asosan, umrbod to'lovlarni olish uchun har yili 1 dekabrga qadar Jismoniy tarbiya va sport vazirligiga ariza va pasport nusxasi taqdim etilishi shart.
Sportchi O'zbekiston Respublikasi fuqaroligidan chiqsa yoki musobaqada boshqa davlat nomidan ishtirok etsa, butunjahon antidoping tashkiloti (WADA) tomonidan taqiqlangan dori vositalari qo'llagani aniqlanib, Olimpiya va Paralimpiya g'olib va sovrindorligidan mahrum etilsa, sud qaroriga muvofiq ozodlikdan mahrum etilsa, vafot etsa umrbod oylik to'lov to'xtatiladi.
Takidlash joiz, sportchi kelgusi Olimpiya va Paralimpiya o'yinlarida yana g'olib va sovrindor bo'lsa, unga umrbod oylik to'lovlar oshirilgan miqdorda to'lanadi.
Umrbod oylik to'lanadigan Olimpiya va Paralimpiya o'yinlarida g'olib va sovrindor bo'lgan sportchilar Ro'yxati
T/r | Sportchilar nomi | Sport turi nomi | Olimpiya va Paralimpiya o'yinlari o'tgan yillari va davlatlar nomi | Qo'lga kiritgan medali |
Olimpiya o'yinlarida g'olib va sovrindor bo'lgan sportchilar | ||||
1964 yil | ||||
1. | Babanina Svetlana Viktorovna | suzish | XVIII yozgi Olimpiya o'yinlari Tokio shahri (Yaponiya) | bronza |
1976 yil | ||||
2. | Riskiev Rufat Asadovich | boks | XXIyozgi Olimpiya o'yinlariMonreal shahri (Kanada) | kumush |
1980 yil | ||||
3. | Pavlova Larisa Mixaylovna | voleybol | XXII yozgi Olimpiya o'yinlari Moskva shahri (Rossiya) | oltin |
4. | Yambulatov Rustam Zaynullovich | o'q otish | XXII yozgi Olimpiya o'yinlari, Moskva shahri (Rossiya) | kumush |
5. | Ruziev Sabirjan Sabitovich | qilichbozlik | XXII yozgi Olimpiya o'yinlari Moskva shahri (Rossiya) | kumush |
6. | Xam Alina Egorovna | chim ustida xokkey | XXII yozgi Olimpiya o'yinlari Moskva shahri (Rossiya) | bronza |
1992 yil | ||||
7. | CHusovitina Oksana Aleksandrovna | sport gimnastikasi | XXV yozgi Olimpiya o'yinlari Barselona shahri (Ispaniya) | oltin |
1996 yil | ||||
8. | Bagdasarov Armen Yurevich | dzyudo | XXVI yozgi Olimpiya o'yinlariAtlanta shahri (AQSH) | kumush |
9. | To'laganov Karim Olimjonovich | boks | XXVI yozgi Olimpiya o'yinlariAtlanta shahri (AQSH) | bronza |
2000 yil | ||||
10. | Abdullaev Muxammatkodir Maxamatyakubovich | boks | XXVII yozgi Olimpiya o'yinlari Sidney shahri (Avstraliya) | oltin |
11. | Saidov Rustam Tuxtasinovich | boks | XXVII yozgi Olimpiya o'yinlari Sidney shahri (Avstraliya) | bronza |
2004 yil | ||||
12. | Xaydarov Utkirbek Abdujalilovich | boks | XXVIII yozgi Olimpiya o'yinlari Afina shahri (Greciya) | bronza |
13. | Sultonov Baxodir Maribjon o'g'li | boks | XXVIII yozgi Olimpiya o'yinlari Afina shahri (Greciya) | bronza |
2008 yil | ||||
14. | Tangriev Abdullo Tovashevich | dzyudo | XXIX yozgi Olimpiya o'yinlariPekin shahri (Xitoy Xalq Respublikasi) | kumush |
15. | Xilko Ekaterina Viktorovna | trampolin | XXIX yozgi Olimpiya o'yinlariPekin shahri | bronza |
16. | Fokin Anton Viktorovich | sport gimnastikasi | XXIX yozgi Olimpiya o'yinlariPekin shahri | bronza |
2012 yil | ||||
17. | Atoev Abbos Abdurazzoqovich | boks | XXX yozgi Olimpiya o'yinlariLondon shahri | bronza |
2016 yil | ||||
18. | Nurudinov Ruslan SHamilevich | og'ir atletika | XXXI yozgi Olimpiya o'yinlariRio-De-Janeyro shahri (Braziliya) | oltin |
19. | Zoirov SHaxobidin SHokirovich | boks | XXXI yozgi Olimpiya o'yinlariRio-De-Janeyro shahri (Braziliya) | oltin |
20. | Do'smatov Xasanboy Marfjon o'g'li | boks | XXXI yozgi Olimpiya o'yinlariRio-De-Janeyro shahri (Braziliya) | oltin |
21. | Gaibnazarov Fazliddin Xasanbaevich | boks | XXXI yozgi Olimpiya o'yinlariRio-De-Janeyro shahri (Braziliya) | oltin |
22. | Meliqo'ziev Bektemir Ro'zmatjon o'g'li | boks | XXXI yozgi Olimpiya o'yinlariRio-De-Janeyro shahri (Braziliya) | kumush |
23. | Giyasov SHaxram Djamshedovich | boks | XXXI yozgi Olimpiya o'yinlariRio-De-Janeyro shahri (Braziliya) | kumush |
24. | Tulaganov Rustam To'lqin o'g'li | boks | XXXI yozgi Olimpiya o'yinlariRio-De-Janeyro shahri (Braziliya) | bronza |
25. | ||||
To'liq ro'yxat BU ERDA
Fikrlar