"Humo Arena" majmuasi Rossiyaning xalqaro tanlovi sovrindoriga aylandi

"Humo Arena" - xalqaro tanlov sovrindori!

Bizning xokkey uyimiz sobiq SSSR hududidagi eng yaxshi sport inshootlaridan biri sifatida tan olindi.

Rossiya federaciyasi sport vazirligi ko'magida o'tkazilgan namunaviy sport inshootlari xalqaro tanlovida "Humo Arena" "VTB Arena" (Moskva, Rossiya) bilan ikkinchi o'rinni bo'lishgan holda, faqat "Minsk-Arena" (Minsk, Belarus)dan ortda qoldi.

Tanlovda ishtirok etish uchun Rossiya, Belarus, Ozarbayjon, Armaniston, O'zbekiston, Qozog'iston va boshqa mamlakatlardan jami 307 ta ariza topshirilgandi. Baholash mezonlari arxitektura va ichki dizayn, funkcionallik, nogironlar uchun qulaylik va ish samaradorligiga ko'ra belgilangan.

Ushbu muvaffaqiyatga aloqadorlarning barchasini tabriklaymiz va birgalikda yanada ko'proq g'alabalarni qozonishimizni tilaymiz", deyiladi jamoa xabarida.

Malumot uchun, "Humo Arena" majmuasi to'liq funckiyada ishlagan taqdirda o'z bag'riga 12 mingdan ziyoz muxlisni sig'dira oladi. Majmuadan muntazam ravishda "Humo" xokkey klubi foylanadi. SHuningdek, turli ko'ngilochar dasturlar, koncert va bayram tadbirlari ham o'tkazib kelinadi.