15 dek 09:11
Yangiliklar

Xokkey

"Humo Arena"ga xokkey qaytdi: "Binokor" - "Toshkent" o'rtoqlik uchrashuvidan FOTOGALEREYA

Poytaxtimizdagi ko'p tarmoqli “Xumo Arena” muz saroyida “Binokor” hamda “Toshkent” bolalar xokkey klublari o'rtasida o'rtoqlik uchrashuvi bo'lib o'tdi.

Uchrashuv muz maydonining malum bir qismida o'tkazildi. O'yinda 10-5 hisobi bilan “Binokor” g'alaba qozondi.

“Toshkent” klubi bosh murabbiyi Sarvar Asqarxo'jaevning takidlashicha, mag'lubiyat uni ranjitgani yo'q.

Muhimi, bolalarda ishtiyoqning so'nmayotgani. O'yinga chanqoqligi. Ilk bor haqiqiy maydonda kuch sinashgan bolalar ustozlari yordamida mag'lubiyat sababi, kamchiliklarini muhokama qilishadi.

Xatolardan qutilish yo'llarini izlashadi. Bu esa keyingi uchrashuvlarda asqotishi tabiiy.

Poytaxtda 5 ta bolalar xokkey klubi: “Toshkent”, “Binokor”, “Semurg'”, “Xumo”, “Snejniy bars” faoliyat yuritmoqda. Ular o'rtasida o'rtoqlik uchrashuvlari o'tkazish rejalashtirilgan.