"Humo" "Arlan"ga qarshi ikkita o'yin o'tkazdi

"Qanotlilar" bu safar Kokshetau shahrining "Arlan" klubi mehmoni bo'lishdi. 27 oktyabr kuni tashkil etilgan ilk o'yinda "Humo" 3:0 hisobida g'alaba qozondi. Jamoa gollariga Dmitriy Grenc, Artyom Malcev va Pavel Sinyavskiy mualliflik qildi.

Kecha o'tkazilgan ikkinchi o'yinda esa toshkentliklar 1:5 hisobida imkoniyatni boy berishdi. Yagona shayba Dmitriy Grenc tomonidan kiritildi. Mazkur o'yinlardan keyin "Humo"ning ochkolari soni 13 taga etdi. Jamoa turnir jadvalida ettinchi o'rinni band etgan.