"Humo" - "Beybaris". Yarim final oldidan o'yinga oid qiziqarli faktlar

Xabaringiz bor, Toshkentning "Humo" xokkey klubi Qozog'iston Ochiq chempionatida ishtirok etmoqda.

Jamoa muntazam chempionatni ikkinchi o'rinda yakunlab, pley-offga yo'l olgandi. 22 fevral kuni "qanotlilar" chorak final doirasida "Gornyak" jamoasini to'rt o'yin natijasiga ko'ra mag'lub etib, yarim final masalasini hal etgan edi.


Ertaga "qanotlilar" yarim final doirasida "Beybaris" jamoasiga qarshi uy o'yinlarini boshlaydi. Ushbu uchrashuvga oid qiziqarli faktlar bilan tanishtiramiz:

— "Humo" (muntazam chempionatda 2) – "Beybaris" (muntazam chempionatda 3)

— Ushbu jamoalar o'rtasida muntazam chempionatda o'tkazilgan uchrashuvlar: 4:7, 5:2, 1:2 B, 5:4 B.

— O'zaro o'yinlarning eng yaxshi to'purari: Aleksey Kirillov ("Humo", 1+3) - Artyom Burdelev va Aleksandr Vorobyov ("Beyberis", ikkalasi 3+1).

— Pley-offda urilgan/o'tkazib yuborilgan gollar: 12/6 - 15/10.

— Pley-offning eng yaxshi to'purari: Artyom Valeev (3+1) - Dmitriy Mixaylov (3+3).

— Pley-offning ilk bosqichida "Humo" to'rtta o'yin natijasiga ko'ra "Gornyak Rudniy"dan ustun keldi. "Beybaris" esa yarim final yo'lida o'z qo'shnilari "Aktobe"ni beshta o'yin hisobiga mag'lub etdi.

— Mavsumda "Humo" va "Beybaris" o'rtasidagi to'rtta uchrashuvning ikkitasi bullitlar seriyasi bilan yakunlangan.

— Bo'lajak qarama-qarshilikni darvozabonlar dueli deyish mumkin. Roman Smiryagin to'rtta pley-off uchrashuvida atigi oltita gol o'tkazib yubordi (har bir o'yinda o'rtacha 1,4), u zarbalarning 95,5 foizini qaytargan. "Humo" hozircha pley-offning eng yaxshi himoyaviy jamoasi. "Beybaris" darvozaboni Roman Kalmikov esa "Aktobe" bilan o'yinlar seriyasida 94,5% zarbalarni qaytara olganini takidlash lozim.

*Malumot uchun, "Humo" — "Beybaris" uchrashuvi 11 mart kuni 19:30 da start oladi. CHiptalarni iticket.uz sayti orqali harid qilishingiz mumkin.