"Humo" "Beybaris"ga qarshi navbatdagi o'yinini 21 mart kuni Toshkentda o'tkazadi

Xabaringiz bor, kecha Toshkentning "Humo" xokkey klubi Qozog'iston Ochiq chempionati yarim finali doirasida "Beybaris"ga qarshi ikkinchi safar o'yinini o'tkazib, 3:2 hisobida g'alaba qozongan edi.

Jamoamiz qozog'istonlik raqiblariga qarshi to'rtta uchrashuvning birida mag'lub bo'lgan bo'lsa, uchtasida g'alaba qozonib, seriyadagi hisobni 1:3 ko'rinishiga keltirdi.

"Qanotlilar" endilikda "Beybaris"ga qarshi navbatdagi o'yinini 21 mart kuni o'tkazadi. Bu final yo'lidagi so'nggi uchrashuv bo'lishi mumkin. Uchrashuv 17:00 da boshlanadi.

SHuningdek, yarim finalning yana bir uchrashuvida "Sariarka" jamoasi "Nomad"ga qarshi o'yinlar seriyasini olib bormoqda. Mazkur o'yindagi seriyada ham hisob hozircha 1:3, "Nomad" foydasiga.