“Humo” bosh murabbiyi: “Biz uchun pley-off mavsumning ilk o'yinidayoq boshlangandi”

Muhtasham “Humo Arenada”, olti yarim mingga yaqin muxlis ko'z o'ngida o'tgan bahsda xokkeychilarimiz Pekinning “ORDJI” klubidan 5:2 hisobida ustun kelishdi. Uchrashuvdan so'ng o'tkazilgan matbuot anjumanida “Humo” klubi bosh murabbiyi Evgeniy Popixin o'z taassurotlari bilan o'rtoqlashdi.

- Yigitlarga katta rahmat! Ular bugun ajoyib o'yin namoyish etishdi. Uchrashuv qiyin bo'lishini, lekin shu bilan birga uyda devorlar ham yordam berishini bilgandik. Bizda yagona maqsad bor edi – g'alaba! Xokkeychilarimiz bu vazifani uddalashdi. Albatta, besh daqiqalik chetlatish yaxshi bo'lmadi. Bunday holatlarga yo'l qo'ymaslik kerak. Eng muhimi, ikki ochkoni qo'lga kiritdik va yurishni davom ettiramiz. 

- Ajoyib o'yin va o'ylashimcha, “Humo Arena”dagi eng chiroyli uchrashuvga guvoh bo'ldik. Uchchala zveno ham yaxshi o'ynadi. “Humo Arena”ning jamoamizga g'alaba keltirishda muhim omil bo'layotganiga va bundan keyin ham zafarli yurish davom etishiga ishonsak bo'ladimi? 

- Biz g'alaba qozonish uchun hamma ishni qilamiz. Lekin o'yindan o'yinning farqi bo'ladi. Mana Samaradagi o'yinda ustunlikka ega bo'la turib, g'alaba qozona olmadik. Biz uyda o'ynaymizmi, safardami, buning ahamiyati yo'q. Muzga yagona maqsad – g'alaba ilinjida tushamiz. Boshqa yo'limiz yo'q! Biz uchun pley-off mavsumning ilk o'yinidayoq boshlangandi. SHu o'rinda “ORDJI” jamoasi haqida juda iliq fikrlarni aytgan bo'lardim. 

- Birinchi bo'limda Valuyskiy porladi. Nafaqat o'z goli bilan, balki assistenligi bilan ham yodda qoldi...

- Darvoqe, Valuyskiyning oilasi Toshkentga keldi. Rafiqasi va shiringina qizchasi endi uning yonida. SHu sababdan ham unga o'yin oldidan aytdim: sen bugun yomon o'ynay olmaysan!”