"Humo" bosh murabbiyi Evgeniy Popixin g'alabadan so'ng nimalar dedi?

"O'yin qiyin o'tdi. Biz uchrashuvni yomon boshladik, tashabbus to'lig'icha raqib tomonda bo'ldi. Birinchi period faqatgina bitta shayba bilan yakunlangani yaxshi bo'ldi. Kiyinish xonasida jiddiy suhbat bo'ldi. Yigitlar unda diqqat bilan eshitishdi va kayfiyatni ko'tarishdi. Ikkinchi periodda esa harakat, o'yin va vaziyatlar paydo bo'ldi. Ammo "SKA-Neva"da baribir ochkolar ko'p, birinchi o'rinda ketishmoqda... Bizda esa ochko etmayapti. SHu sababli, Barri Smitning aytganidek "Xokkey Xudosi bizga yordam berdi". Xarakter ko'rsatib, oxirigacha kurashishgani uchun yigitlarga rahmat".

-Evgeniy Grigorenko sobiq jamoasiga qarshi o'yinda dubl qayd etdi. 

-O'ylaymanki, sen sobiq jamoangga qarshi o'ynaganingda doimo boshqacha kayfiyat bilan chiqasan. U o'tgan mavsumda shu erda edi. O'zi istaganichalik o'yin amaliyotiga ega bo'la olmadi. U bugun o'zini ko'rsatdi, ikkita gol kiritdi, sekin-sekin o'sib bormoqda. Xudo xohlasa o'zini tiklab oladi. U iqtidorli yigit. Unda istedod bor, asosiyni - o'sha istedodni namoyon eta olishdir. U ulg'aydi, uylandi, farzandli bo'ldi. Oilani yaxshi boqish lozimligini tushunishi lozim. Buning uchun esa yaxshi o'ynash kerak. 

-Konstantin Kurashev ("SKA-Neva" murabbiyi - olamsport.com) yaqinda siz sabab murabbiylik faoliyatini boshlagani haqida gapirgandi. Ushbu uchrashuv siz uchun qay darajada ahamiyatga ega?

-Bu albatta ajoyib. Kostya ikkimiz SHveycariyada xokkeyni ko'targandik. Biz haqimizda kam yozishadi, ammo ortga nazar tashlaydigan bo'lsak, biz katta ishni amalga oshirganmiz. Ertalab 8 dan kechki 10 gacha ishlardik, tushlik uchun uyga borardik. Biz qattiq ishlagandik o'shanda. Davosda bizni yaxshi ko'rishardi, qadrlashardi. Ketganimizda odamlar, o'yinchilar afsuslanishdi. Konstantin qoldi va bu ishni davom ettirdi. Yaxshi ishladi. Uning ko'p shogirdlari hozir NLA (SHveycariya asosiy ligasi) va NXL da o'ynamoqda. SHunchaki u kamtar yigit va bu haqida har doim ham gapiravermaydi. Ammo, u katta hajmdagi ishni amalga oshirgan. Biz u erda ishlaganimiz - shveycariyaliklarning omadi desak ham bo'ladi. 

"Humo" matbuot xizmati