"Humo" bosh murabbiyi Evgeniy Popixin: Jamoani kuchaytirish? Rahbariyat bu borada menga rad javobini bergani yo'q

"Raqiblarni g'alaba bilan tabriklayman. Bu haqida xech qachon gapirmaganman. Ammo, xokkeychining yuziga urishganida unga uchta chok tushsayu, buning uchun ikki daqiqalik chetlatish ham bo'lmasa men nimadir deya olmayman", - deb so'z boshladi Popixin.

-Jamoa harakat qilmoqda, hujum qilmoqda. Buni ko'rib turibmiz. Nima uchun biz 5 kishi bo'lib 4 kishiga qarshi o'ynayotgan paytingiz darvozabonni darxol almashtirmadingiz? Taym-aut oldingiz va keyin almashtirishni amalga oshirdingiz.

-Buni murabbiydagi sezgirlik deyish mumkin. Sen qachon almashtirishni his qilasan, qachondir esa seza olmaysan. Biz almashtirdik va gol kiritdik. Demak, qaror to'g'ri edi. 

-Igor Merejko bugun o'ynamadi. Buning sababi avvalgi o'yindagi xato bilan bog'liqmi? Ikkinchi savol, oldingi matbuot-anjumanida rahbariyat bilan jamoani kuchaytirish masalasida gaplashishni aytgandingiz. Bu mavzuda uchrashuv bo'ldimi? Jamoa kuchaytiriladimi?

-Merejkoning yo'qligi xato sabab emas, u jarohati borligi tufayli o'ynamadi. Ikkinchi savolga keladigan bo'lsak, rahbariyat bilan uchrashuv bo'ldi. Unda jamoani kuchaytirishimiz lozimligi haqida gapirdim. Bizga bu zarur. Bugun Artyom Voronin ham jarohat oldi. Faqatgina uchta "zveno" qoldi. Smirnov ham jarohat sabab o'ynamadi. O'yinchilarimiz kam. O'ylaymanki, bu amalga oshadi. Menga rad javobini berishgani yo'q. Bu albatta menga umid bag'ishlamoqda.