"Humo" - "Dinamo Tver" o'yiniga tashrif buyuring va xayrli ishga o'z hissangizni qo'shing

Hurmatli do'stlar! OXL doimiy chempionatini ezgu amal bilan yakunlashni niyat qilganimiz sababli – 5 fevral kuni "Humo Arena"da “Humo” - “Dinamo Tver” xayriya o'yini bo'lib o'tadi.

CHiptalar sotuvidan yig'ilgan jamiki mablag'lar "Ezgu amal" fondiga xayriya sifatida o'tkazib yuboriladi. SHu kuni O'zbekiston xokkey tarixida ilk bor o'yinchoq ayiqchalar tashlanish marosimini o'tkazamiz!

Ushbu fond onkologik hamda qon kasalligiga chalingan bolajonlarga yordam qo'lini cho'zadi. Ushbu kun siz nafaqat bizning jamoani, balki yordamga muhtoj bo'lganlarni ham qo'llab-quvvatlay olasiz.

CHiptalarni iTicket.uz sayti va kassalaridan harid qiling, ezgu amalga biz bilan birga qo'l uring.

Ezgu amal - O'zbekiston Respublikasida ijtimoiy tarmoqlar orqali tashabbuskor ko'ngillilar tomonidan yaratilgan ilk fond bo'lib, shu kungacha 150 dan ortiq bemorlarga qimmat dorilarni xarid qilishda, tibbiyot muolajalarni to'lashda va ruhiy tomonlama yordam ko'rsatgan!