"Humo" "Gornyak" ustidan 5:0 hisobida g'alaba qozonib, bir kun oldingi mag'lubiyat uchun revansh oldi

Toshkentning "Humo" xokkey klubi Rudniy shahri sharafini himoya qiluvchi "Gornyak" jamoasi mehmoni bo'ldi.

17 yanvar kuni o'tkazilgan ilk o'yinda "Gornyak" 5:1 hisobida g'alaba qozongani haqida xabar bergandik.

Kecha tashkil etilgan ikkinchi bahsda esa toshkentliklar 5:0 hisobida zafar quchib, o'ziga xos revansh olishning uddasidan chiqdi.

Bu g'alaba orqali "qanotlilar" ochkolari sonini 47 taga etkazib olgan holda turnir jadvalida uchichni o'ringa qaytdi. "Humo" keyingi o'yinlarini 21-22 yanvar kunlari safarda "Aktobe"ga qarshi olib boradi.