06 sen 07:02
Yangiliklar

Xokkey

"Humo" ikki nafar hujumchini o'z safiga qo'shib oldi

Toshkentning "Humo" xokkey klubi ikki transferni amalga oshirdi.

Jamoa Qozog'iston chempionati yangi mavsumi oldidan ikki nafar rossiyalik hujumchilar - Vasiliy Jilov va Vadim SHegolkovni o'z safiga qo'shib oldi.

Vasiliy Jilov 1994 yil 20 noyabr kuni Ufa shahrida tug'ilgan. U "Salavat-Yulaev" klubi tarbiyalanuvchisi hisoblanadi. O'tgan mavsumni VXLda - "Tambov" jamoasi sardori sifatida o'tkazgan. VXLda umumiy hisobda 286 ta o'yin o'tkazib, 103 ochko (42+61) ishlagan. U "Humo" tarkibida 87-raqam ostida o'ynaydi.

Vadim SHegolkov esa 1994 yilning 19 aprelida Moskvada tug'ilgan. U "Vastom" klubi tarbiyalanuvchisi. O'tgan mavsumni "Norilsk" klubi bilan VXLda o'tkazgan. VXLda umumiy hisobda 222 ta o'yin o'tkazgan va 79 ochko (46+33) jamg'argan. U "qanotlilar" safida 19-raqamda o'ynaydi.