"Humo" ilk mavsumidayoq pley-offda chempionlik uchun kurashadi

To'g'ridan-to'g'ri asosiy raqib ustidan qozonilgan ushbu g'alaba tarixiy ahamiyatga ega bo'ldi. Boisi, "Humo" Oliy xokkey ligasidagi o'zining ilk mavsumidayoq pley-off yo'llanmasini qo'lga kiritdi. Bu yo'lda "Humo"ga xalal berishi mumkin bo'lgan yagona jamoa "Tambov" o'z maydonida "Rostov"ga qarshi kechgan uchrashuvda ochko yo'qotdi. "Humo" eng yaqin taqibchisidan 10 ochkoga o'zib ketdi.

SHu tariqa, 2020 yilning 5 fevral sanasi O'zbekiston xokkeysi uchun tarixiy kunga aylandi. CHempionlik yo'lidagi pley-off o'yinlari olimpiya tizimida o'tkazilib, mag'lub jamoa kurashdan chiqadi. Lekin chempionat bahslari hali yakunlanmadi. "Humo" shanba kuni so'nggi safar o'yinlariga jo'nab ketadi. Xokkeychilarimiz 10 fevral kuni Nijniy-Novgorodda mahalliy "Torpedo-Gorkiy" klubiga qarshi muzga chiqishadi.