"Humo" jamoasi ikki yillik tanaffusdan so'ng yana "Mishkopad" tadbirini uyushtirmoqda

Ayni damda Qozog'iston Ochiq chempionatida ishtirok etib kelayotgan Toshkentning "Humo" xokkey klubi 24 yanvar kuni "Almati" jamoasiga qarshi ikkinchi uy o'yinini o'tkazadi.

Mazkur uchrashuv yakuniga etgandan so'ng, "Humo Arena"da "Mishkopad" tadbiri o'tkazilishi malum bo'ldi. Bu tadbir doirasida muxlislar o'zlari bilan olib kelgan yumshoq o'yinchoqlarni muzga tashlashadi, yig'ilgan barcha o'yinchoqlar Respublika Onkologiya va radiologiyasi qoshidagi Ishonch notijorat xayriya fondi ko'magida betob va ehtiyojmand bolalarga sovg'a qilinadi.

SHuningdek, mazkur o'yin doirasida chiptalar sotuvidan tushgan barcha mablag'lar Ezgu Amal xayriya fondiga o'tkaziladi.

SHunday ekan, 24 yanvar kuni 19:00 da "Humo Arena"ga tashrif buyuring va xursandchilik ulashing! CHiptalarni ITicket.uz sayti orqali onlayn harid qilishingiz mumkin.