"Humo" jamoasi tarkibida ilk yo'qotish

Xokkey bo'yicha Toshkentning "Humo" klubi himoyachisi Nikita Zimin faoliyatini Permning "Molot" jamoasida davom ettiradi. Ushbu klub Yuqori xokkey ligasi (VXL) ishtirokchisi hisoblanadi.

Zimin "Humo" jamoasi tarkibiga 2022-2023 yilgi mavsum boshida kelib qo'shilgan edi. U "qanotlilar"ning 41 ta o'yinida muzga chiqib, 4 ochko (0+4) jamg'argandi. Uning foydalilik ko'rsatkichi +6 ga teng.

Nikita ketish oldidan jamoa va muxlislarga minnatdorchilik bildirdi: "Ajoyib qo'llab-quvvatlov uchun muxlislarga, shuningdek bu ish uchun "Humo" jamoasi xodimlariga minnatdorchilik bildiraman. Jamoaning bir qismi bo'lganimdan juda xursandman. Toshkent mening qalbimda alohida joy egallaydi!".