"Humo" jamoasining "Beybaris"ga qarshi seriya doirasidagi uchinchi o'yini 16 mart kuni bo'lib o'tadi

Xabaringiz bor, kecha Toshkentning "Humo" xokkey klubi Qozog'iston Ochiq chempionati yarim finali doirasida "Beybaris"ga qarshi ikkinchi uy o'yinini o'tkazgan edi.

Jamoamiz qozog'istonlik raqiblariga qarshi ikkita uchrashuvning birida mag'lub bo'lgan bo'lsa, ikkinchisida g'alaba qozonib, seriyadagi muvozanatni tiklagan edi.

"Qanotlilar" endilikda "Beybaris"ga qarshi safar o'yinlari seriyasini boshlaydi. Uchrashuvlar 16-17 mart kunlari 19:00 da o'tkaziladi.

SHuningdek, yarim finalning yana bir uchrashuvida "Sariarka" jamoasi "Nomad"ga qarshi o'yinlar seriyasini olib bormoqda. Mazkur o'yindagi seriyada ham hisob hozircha 1:1.