"Humo" kecha amaldagi Kubok sohibiga bullitlar seriyasida yutqazdi. Keyingi o'yinlar qachon?

Qisqa muddatda tarkibi qayta shakllantirilgan Toshkentning "Humo" jamoasi guruh bosqichining ilk uchrashuvini amaldagi Qozog'iston Kubogi sohibi, Qarag'andaning "Sariarka" klubiga qarshi o'tkazdi. Asosiy vaqtda tomonlar 2:2 hisobidagi durangga imzo chekishdi. Bullitlar seriyasida esa omad mezbonlarga kulib boqdi. 

Qozog'iston Kubogi har yili avgust oyida, chempionat boshlanishi oldidan o'tkazib kelinadi. Unda Pro Hokei Ligasy turnirida ishtirok etuvchi jamoalar bosh sovrin uchun bahs olib boradi. Bu yilgi turnir 1 sentyabrga qadar davom etadi va unda 12 jamoa 3 guruhga bo'lingan holda kubok uchun kurashadi. A guruhi o'yinlari Qarag'anda, B kvarteti uchrashuvlari Almati, C guruhi bahslari esa poytaxt Nur-Sultan shahrida o'tkaziladi.

Guruh g'oliblari hamda eng yaxshi natija qayd etgan bitta jamoa 1/2 finalga yo'l oladi. Yarim final 31 avgust, final uchrashuvi esa 1 sentyabr kuni  Nur-Sultan shahrida bo'lib o'tadi. So'nggi ikki yilda "Humo"ning kechagi raqibi "Sariarka" Qozog'iston Kubogi sohibi bo'lib kelmoqda. 

Qozog'iston Kubogining barcha g'oliblari

2021 - "Sariarka"

2020 - "Sariarka"

2019 - "Altay-Torpedo"

2018 - "Altay-Torpedo"

2017 - "Kulager"

2016 - "Kulager"

"Humo"ning keyingi o'yinlari:

26 avgust, juma

"Aktobe" - "Humo"

"Kulager" - "Sariarka"

28 avgust, yakshanba

"Humo" - "Kulager"

"Sariarka" - "Aktobe"