"Humo" kechagi g'alaba sabab joriy mavsumda ilk bor birinchi o'ringa ko'tarilib oldi

Toshkentning "Humo" xokkey klubi Aktobe shahri vakili "Aktobe" mehmoni bo'ldi. Jamoalar o'rtasidagi ikkinchi o'yinda ham "qanotlilar"ning qo'li baland keldi — 2:0. Bir kun oldin o'tkazilgan uchrashuvda hamyurtlarimiz 3:1 hisobida zafar quchishgandi.

Etiborlisi, bu o'yinlardan keyin "Humo" musobaqadagi ochkolari sonini 51 taga etkazib, joriy mavsum hisobidan turnir jadvalida ilk bor peshqadam bo'lib oldi.

Bu toshkentliklarning Muntazam chempionat doirasidagi so'nggi safar o'yini edi. Vakillarimiz endi 26-27 yanvar kunlari o'z uyida "Arlan"ni qabul qilishadi.