03 apr 07:44
Yangiliklar

Xokkey

"Humo" kechagi o'yinda muxlislar tashrifi bo'yicha o'z rekordini yangiladi

Teglar : Humo

Xabaringiz bor, kecha xokkey bo'yicha Toshkentning "Humo" klubi Qozog'iston Ochiq chempionati finalining birinchi o'yinida muzga chiqqan edi.

Final o'yinlari seriyasining birinchi uchrashuvida "Nomad" jamoasini overtaymda kiritilgan shayba evaziga 3:2 hisobida mag'lub etgan "Humo" klubi kecha muxlislar tashrifi bo'yicha o'z rekordini yangiladi.

"Qanotlilar"ning final o'yinini tomosha qilish uchun "Humo Arena"ga 7287 nafar tomoshabin tashrif buyurgani malum qilindi. Bu jamoaning yangi rekordi hisoblanadi.

Avvalgi rekord 2019/2020 yilgi mavsumga tegishli bo'lib, o'shanda "Humo"ning o'yinini tomosha qilish uchun "Humo Arena"da 7267 nafar muxlis yig'ilgan edi.