"Humo" mehmonda pley-offning hal qiluvchi o'yinini o'tkazdi

Bu ikki jamoaning pley-off seriyasidagi o'zaro oltinchi uchrashuvidan keyin hisob 3:3 ko'rinishiga kelgandi. "Qanotlilar" Toshkentda o'tgan uchrashuvda g'alaba qozonsalar, finalga chiqqan va kecha Qozog'istonda o'tgan o'yinga hojat qolmas edi. 

Afsuski, "Humo" o'sha imkoniyatdan foydalana olmagan va o'z vazifasini qiyinlashtirib yuborgandi. Kecha Ust-Kamenogorskda o'tgan hal qiluvchi o'yinda g'alati ishlar bo'lib ketdi. 3:1 hisobida oldinga chiqib olgan "Humo" yakunda final yo'llanmasini raqibga qo'sh qo'llab topshirdi. 

"Torpedo" uchinchi bo'limda muvozanatni tikladi. Overtaymda esa yana bir g'alati ish bo'ldi. "Humo" hujumchisi Vladislav Dyukarev Nikita Kolobovga qarshi fol ishlatdi va bu holatda hakam bullit belgiladi. Ilya Klyauzov o'ziga berilgan "sovg'a"dan unumli foydalandi – 4:3!

"Torpedo" deyarli 5000 tomoshabin ko'z o'ngida final yo'llanmasini qo'lga kiritdi. "Humo" og'zi oshga etay deganda, alamli tarzda musobaqadagi ishtirokini final ostonasida yakunladi. Juda g'alati! 

Pley-off final seriyasi. Ettinchi uchrashuv

"Torpedo" (Ust-Kamenogorsk) - "Humo" (Toshkent) 4:3 OT (0:1, 1:1, 2:1, 1:0)

Gollar:

0:1 – Karaban (Siksna, Litovchenko), 00:28

0:2 – Lixotnikov (Karaban, Savrickiy), 33:02

1:2 – Akmaldinov (Yakovlev, Musorov), 36:55

1:3 – Dorofeev (Jilov, Derbenyov), 48:45

2:3 – Akmaldinov (Kolobov, Musorov), 54:32 

3:3 – Sulimov (Lagunov, Akmaldinov), 58:59

4:3 – Klyauzov, bullit 60:46