"Humo" Neftekamskda pley-offning ilk o'yinini o'tkazdi

Evgeniy Popixin shogirdlari "Petrov Kubogi"ning 1/8 finalini Rossiyaning Neftekamsk shahrida o'tkazib, mahalliy "Toros" klubi mehmoni bo'lishdi. "Humo" birinchi Konferenciyada ettinchi o'rinni qo'lga kiritgan bo'lsa, "Toros" ikkinchi Konferenciyada ikkinchi o'rinni egallagan edi. 

Afsuski, jamoalarning 1000 muxlis ko'z o'ngida o'tgan pley-offdagi ilk to'qnashuvida neftekamsliklar 3:0 hisobida g'alaba qozonishdi. "Toros" tarkibida Artyom Pimenov, Danil Bashkirov va Nikita Juldikov gollarga mualliflik qilishdi.  

Jamoalar o'rtasidagi ikkinchi uchrashuv ertaga, huddi shu vaqtda, aniqrog'i Toshkent vaqti bilan soat 17:00da boshlanadi. Uchinchi va to'rtinchi o'yinlar esa 26 hamda 27 fevral kunlari Toshkent shahrida tashkil etiladi. Durang bo'lib qolgan taqdirda qo'shimcha uchrashuvga murojaat qilinadi.