"Humo": ortda qolgan 24 ta o'yinga oid qiziqarli faktlar

Toshkentning "Humo" xokkey klubi Qozog'iston Pro-Ligasida 24-tur yakunlariga ko'ra, musobaqa jadvalidagi ikkinchi o'rinni saqlab qola oldi. Jamoa ayni damda bir oylik uy o'yinlari seriyasini o'tkazish maqsadida Toshkentda bo'lib turibdi.

"Qanotlilar" shu paytgacha:

— 24 ta o'yinda (12 tasi uyda, 12 tasi safarda) 34 ochko. 17 ta g'alaba, 4 tasi overtaymda, 7 ta mag'lubiyat. SHaybalar nisbati — 84-44. Turnir jadvalida 2-o'rin;

— Ligada ayni damgacha overtaymda eng ko'p g'alaba qozongan jamoa;

— 24 ta o'yindan 21 tasida "Humo" hisobni ochgan. Bir marotaba "Sariarka" hisobni ochgan, ammo toshkentliklar 9 soniyadan so'ng hisobni tenglashtirishgan. Qolgan ikki uchrashuvda raqiblar hisobni ochishgan, ammo "Humo" g'alabani "ilib ketgan";

— "Qanotlilar" ketma-ket sakkiz uchrashuvda g'alaba qozonishdi. Bu "Sariarka"dan keyingi eng yaxshi natijadir;

— Jamoa Qozog'iston Pro-Ligasining 24-turiga kelib, 44 ta shayba o'tkazib yuborgan. Bu chempionatning eng yaxshi natijasidir;

— Musobaqa peshqadami "Sariarka"ni mag'lub etgan yagona jamoa hozirgacha "Humo" bo'lib turibdi;

— Vadim Kravchenko - eng yaxshi bombardir - 21 ochko (12+9). SHuningdek, Maksim Trunyov ham huddi shuncha ochko jamg'argan (6+15).

Jamoa navbatdagi o'yinini musobaqa jadvalidagi raqobatchilaridan biri "Arlan" jamoasiga qarshi o'tkazadi. Uchrashuv 9 dekabr kuni 19:00da "Humo Arena"da boshlanadi.