"Humo" o'yinchisi Evgeniy Sulimov 4 ta o'yinga chetlatildi

Bu haqda klub matbuot xizmati xabar bergan.

"Kuni kecha "Humo" - "Beibarys" o'yini davomida "Humo" himoyachisi Evgeniy Sulimov va "Beibaris" hujumchisi Zaxar SHablovskiy ishtirokidagi vaziyat tufayli, SHablovskiy og'ir jaroxat olib, mavsum oxirigacha tarkibdan chiqdi.

Kecha Sulimovga o'yin oxirigacha jarima berilgan bo'lsa, bugun Liga reglamentning 1.14 moddasiga ko'ra 4 o'yinga diskvalifikaciya berildi", - deyiladi mazkur xabarda.

"Humo" jamoasi "Beybaris"ga qarshi ilk uy o'yinida bullitlar seriyasida mag'lub bo'lgan edi. Kecha "qanotlilar" aynan bullitlar seriyasida "Beybaris"dan revash olishdi.