"Humo" o'z safiga yoshlar o'rtasida jahon chempionini qo'shib oldi!

"Humo" markaziy hujumchi Ivan Fishenko bilan shartnoma imzoladi. U 1995 yilning 19 iyulida tavallud topgan. Tyumen shahri "Gazovik" klubining tarbiyalanuvchisi. Rossiya terma jamoasi tarkibida yoshlar o'rtasida JCHning chempioni, "Omskie Yastrebi" tarkibida YXL chempioni va "Yugra" tarkibida BXL chempionidir. Bu mavsumni BXLdagi Voronejning "Buran" klubida boshladi, 18 o'yinda 7 (2+5) ochkoni qo'lga kiritdi. Umumiy QXLda 134ta, BXLda 144ta o'yin o'tkazgan.

Ko'k-to'q sariq ranglarning tarkibida Fishenko 26-raqam ostida faoliyat olib boradi - deyiladi klub matbuot xizmati xabarida.