"Humo" o'z tarkibiga 2 nafar yangi xokkeychini qo'shib oldi

Jamoa matbuot xizmatining xabar berishicha, darvozabon Timur Meyder hamda himoyachi Ivan Antonovskiy ijara asosida mavsumning qolgan qismini Toshkent klubida o'tkazadi.

Timur Meyder 2002 yilning 22 yanvar kuni Qozog'istonning Ust-Kamenogorsk shahrida tug'ilgan. U mahalliy "Torpedo" klubi tarbiyalanuvchisi hisoblanadi. O'tgan mavsumni Kokshetau shahrining "Arlan" klubi safida o'tkazgan. U Qozog'iston muntazam chempionatida 51 ta o'yin o'tkazgan va 94,7 % zarbalarni qaytarishga erishgan. Timur "Humo" safida 20-raqamda harakat qiladi.

Ivan Antonovskiy esa 2001 yil 8 iyul kuni Rossiyaning Novokuzneck shahrida tug'ilgan. U "Metallurg" klubi tarbiyalanuvchisi. Ivan "Humo" tarkibida 2-raqamda ishtirok etadi.